Një ditë pas konfirmimit të emrave të kabinetit “Rama 3”, ministrja e riemëruar në postin për marrëdhëniet me Parlamentin, Elisa Spiropali ka refuzuar emërimet e reja për mandatin e tretë të Partisë Socialiste në qeverisje. E ftuar në emisionin “Open”, Spiropali tha se në Shqipëri, edhe nëse kryeministri Edi Rama do të emëronte si ministër Papën, sërish do të kishte diskutime dhe pakënaqësi.
“Të jeni të bindur se edhe Papa i Romës të ishte emëruar ministër i Republikës së Shqipërisë, në studiot tona këto gjëra do të diskutoheshin. Pavarësisht se këta persona vetë i kanë sulmuar dhe përgojuar. Nuk i gjendet ana kësaj pune. Kudo në çdo qeveri, kryeministri i emëron dhe shkarkon,”-tha ajo.
Në fakt Papa është i Vatikanit, një qytet-shtet i rrethuar në Itali, ku edhe ndodhet selia e Kishës Katolike Romake. Vatikani, ndryshe nga çfarë thotë Spiropali është shtëpia e Papa Françeskut, i cili me siguri nuk ka asnjë ambicie politike për t’u bërë ministër.
