Pjesë e një organizate kriminale në Itali, arrestohet i riu

Forcat Operacionale të Policisë së Shtetit kanë arrestuar një person të shpallur në kërkim ndërkombëtar nga autoritetet italiane.

Në kuadër të operacionit të koduar “Operacionalja 49” është vënë në pranga shtetasi Ergys Arrnjeti, 23 vjeç, i cili është kapur në fshatin Barbullush të Vaut të Dejës. Ai akuzohet në Itali si pjesëtar i një organizate kriminale për trafikim të lëndëve narkotike.

“Në vitin 2024, Gjykata në L’Aquila i ka caktuar këtij shtetasi, masë sigurie “Arrest në burg”, për veprën penale “Trafikimi i lëndëve narkotike”, kryer në kuadër të organizatës kriminale, vepër për të cilën Kodi Penal italian parashikon maksimum dënimi, 24 vjet burgim.” – thuhet në njoftimin e Policisë.

Vijon bashkëpunimi për të finalizuar ekstradimin e 23-vjeçarit, në Itali.