Në bazës të një operacioni të kryer ditën e sotme SPAK ka sekuestruar 18 mln euro, ka arrestuar Artur Balladën dhe Bledar Lilon, si dhe ka shpallur në kërkim ish-bosin e naftës Rezart Taçin. Në njoftimin e publikuar nga SPAK bëhet me dije se, nga veprimet hetimore të kryera edhe në bashkëpunime Drejtorinë Distrektuale Antimafia në Prokurorinë e Republikës në Gjykatën e Palermos, Itali, janë siguruar dhe janë mbledhur prova konkrete, përmes të cilave është bëri e mundur zbardhja e skemës, kompleks financiar ndërkombëtar të kundërligjshëm, të shtrirë në disa shtete të ndryshme, që ka pasur si qëllim pastrimin e parave të pista.
SPAK njofton se, janë mbledhur prova se kjo skemë financiare është drejtuar nga shtetasit italian F.Z. dhe I.Z., në bashkëpunim me shtetasin italian F.P., të shtetasit zviceran me origjinë italiane D.C., si dhe të shtetasit shqiptar Rezart Taçin, i përfshirë në biznese në sektorin e naftës. Ky i fundit në funksion të kryerjes së kësaj veprimtarie ka angazhuar në këtë veprimtari personat e vet të besuar, rezidentë në Shqipëri, respektivisht shtetasin Artur Ballada dhe shtetasin Bledar Lilo
Autorët, përmes kësaj skeme kanë mundur të bëjnë edhe disa transaksione bankare në një bankë të nivelit të dytë në Shqipëri, pavarësisht se paratë që ata derdhin në llogari ishin para të pista. Ky ka qenë një veprim i “gabuar” i tyre që ka shtuar më shumë dyshimet ndaj Prokurorisë së Posaçme, e cila pasi kreu hetimet e nevojshme evidentoi abuzimin e bërë. Sakaq, evidentohet se kjo ishte mënyra që ata vepronin, para e pastruar i transferonin në disa shtete, por duke qenë se autoritetet po binin në gjurmët e tyre, transferimi i ndërpre.
Në bazë të këtyre gjetjeve, SPAK vendosi: arrest me burg për Rezar Taçin dhe dy të bashkëpunëtorët e tjerë. Ndërsa njoftohet se ditën e sotme është bërë i mundur arrestimi vetëm për Artur Balladën dhe Bledar Lilon, ndërsa për Taçin vazhdojnë kërkimet.
Kush është Rezart Taçi
Me hapjen e pikave të “Taçi Oil”, pronari Rezart Taçi, që në mediat e huaja etiketohet si “manjati i naftës në Shqipëri”, ngjiti shkallët e suksesit, duke ndërtuar depozitat në Shëngjin dhe vende të tjera. Gjatë kohës kur Berisha ishte kryeministër ai bleu ARMO-n, gjigantin e përpunimit të naftës në Shqipëri.
Ai u kthye në një nga biznesmenët kryesorë për karburantet. Kjo bëri që tregtarët e tjerë të viheshin kundër tij duke e çuar çështjen e naftës D2 në Gjykatën Kushtetuese, pasi qeveria i kishte dhënë të drejtën për ta tregtuar edhe për një vit, përtej afatit në 2009-n.
Taçi bleu pasi disa kohësh dhe një ndër televizionet më të rëndësishme të diasporës, “TV Alsat”. Ai mori goditjen finale në vitin 2013 kur tatimet i bllokuan rafinerinë e hidrokarubureve ARMO. Kompania e tij u gjobit me shuma që kapnin shifrën e 100 mln eurove.Në vitin 2016 Taçi u arrestua në Zvicër me urdhër të Prokurorisë Publike të kantonit të Gjenevës në Zvicër, për akuzën e “mashtrimit”, “Falsifikimit të dokumenteve” dhe “Falsifikimi i vulave dhe i stampave ose i formularëve”.
Ky hetim, kishte nisur pas kallëzimit të dy kompanive, një e regjistruar në shtetin Panamez me emrin “Wallis Trading INC” dhe ajo Holandeze me emrin “Trafigura Beheer Bv”. Të cilët me kompaninëe Rezart Taçit kishin një marrëveshje tregtare të nënshkruar që në vitin 2009
E.H/ Gijotina.com/
Discussion about this post