“Big Brother VIP” padiskutim që është tema më e diskutuar në media dhe rrjete sociale, pjesë e tyre ka qenë edhe marrëdhënia e Semit me Bojken Lako.
Ky i fundit ka qenë i ftuar edhe në emisionin “Pardon My French”, ku përpos karrierës së tij dhe planeve për të ardhmen në muzikë, këngëtari nuk mund t’i shpëtonte pyetjes për Semin dhe çfarë mendon ai për pjesëmarrjen e ish-partneres së tij në një show si “Big Brother”.
“Për këtë temë nuk dua të flas shumë, nuk e ndjek “Big Brother” dhe nuk do e ndjek, aq më tepër në këtë rast. E kam përkrahur hyrjen e saj si pjesë e mundësisë që të jep një show i tillë. Gjithçka që ajo ka thënë aty është okej. Semi thotë atë që do.”- u shpreh Bojken.
