Pjesëmarrje e ulët, deri në 14:00 kanë votuar 26.6% e votuesve

Deri në orën 14:00 kanë votuar 26,64 për qind e qytetarëve. Të dhënat përditësuara nga KQZ vijnë nga 2630 qendra votimi nga 5211 në total.

Sipas të dhënave të publikuara nga KQZ, deri më tani numri i qytetarëve që kanë ushtruar të drejtën e votës është 503783 nga 1890788 zgjedhës në listat e qendrave të votimit.

Ndërkohë që sa i përket krahasimit me zgjedhjet e kaluara duhet thënë se në vitin 2021 deri në orën 14 kishin votuar rreth 35.6% në të gjitha qendrat e votimit.

Sot qytetarët u drejtohen kutive të votimit për të zgjedhur drejtuesit e bashkive si dhe anëtarët e këshillave bashkiak për 4 vitet në vijim.