Plagosën 24-vjeçarin me armë zjarri në Kuçovë, shpallen në kërkim 4 persona

Katër persona janë shpallur në kërkim nga policia, pasi dyshohen se janë autorët e plagosjes me armë zjarri të një 24-vjeçari në Kuçovë.

Në kërkim janë, Albion Thoma, Vasil Prendi, Ledio Serdari  dhe Arben Tabaku.

Këta shtetas, dyshohet se në bashkëpunim me njëri-tjetrin, plagosën të riun nga Tirana në lagjen “1 Maj” të Kuçovës, pas një konflikti të çastit.

I plagosuri, Donal Grymshi u paraqit mbrëmjen e djeshme rreth orës 23:30 për ndihmë mjekësore në spital.

Pas një konflikti të çastit është qëlluar në drejtim të  24-vjeçarit D.G., i cili është transportuar drejt spitalit rreth orës 23:30, të mbrëmjes së djeshme.

Njoftimi i policisë

Kuçovë/Plagosën me armë zjarri një shtetas, Policia identifikon dhe shpall në kërkim autorët e dyshuar. Vijon kontrolli i zonës për kapjen e tyre.

Rreth orës 23:30, të mbrëmjes së djeshme, është paraqitur për ndihmë mjekësore në Spital, i plagosur me armë zjarri, shtetasi D.G., 24 vjeç, banues në Tiranë, i cili po merr ndihmë mjeksore në spital.

Si rezultat i punës hetimore profesionale intensive të bërë nga specialistët për hetimin e Krimit në Komisariatin e Policisë Kuçovë në bashkëpunim me shërbimet e DVP Berat, u bë i mundur identifikimi dhe shpallja në kërkim e autorëve të dyshuar, shtetasve: L.S., 22 vjeç, A.Th., 22 vjeç, V.P., 23 vjeç, dhe A.T., 23 vjeç, të katërt banues në Kuçovë.

Këta shtetas dyshohet se në bashkëpunim me njëri-tjetrin, pas një konflikti të çastit, për motive të dobëta, në lagjen 1Maj, Kuçovë, kanë plagosur me armë zjarri shtetasin D.G.”-njofton policia.

Vijon puna për kapjen e 4 shtetasve të shpallur në kërkim dhe për zbardhjen e plotë të rrethanave të ngjarjes.

Materialet procedurale iu referuan Prokurorisë, për veprime të mëtejshme.