Plagosen dy persona me thikë në Sarandë, shpallet në kërkim autori

Ditën e sotme, në spitalin e Sarandës është paraqitur nje person i plagosur, i identifikuar si Edmond Sulo, 54 vjeç.

Sipas burimeve, i plagosuri ka dy goditje me mjet prerës, një në kokë dhe një poshtë sqetullës.

Edmond Sulo po merr ndihmën e parë mjekësore në urgjencën “Stefan Mekshi” të Sarandës.

Ngjarja ka ndodhur në lagjen nr. 2 të qytetit të Sarandës.

Autori, pas një konflikti për motive të dobëta, ka qëlluar dy shtetas, të cilët ndodhen në spital jashtë rrezikut për jetën.

Policia ka identifikuar autorin dhe e ka shpallur në kërkim.

Njoftimi i Policisë:

Sarandë/Informacion paraprak

Sot, rreth orës 14:00, në lagjen nr.2, Sarandë, dyshohet se pas një konflikti për motive të dobëta, shtetasi F. J., 52 vjeç, ka plagosur me mjet prerës (thikë), shtetasit E. S., 54 vjeç dhe S. Ll., 62 vjeç, të dy banues në Sarandë. Dy të dëmtuarit ndodhen në spital, jashtë rrezikut për jetën.

Shërbimet e Policisë kanë shkuar menjëherë në vendngjarje dhe janë vënë në ndjekje të autorit të dyshuar, me qëllim kapjen e tij.

Grupi hetimor ndodhet në vendngjarje dhe nën drejtimin e Prokurorisë dhe po punon për sqarimin dhe zbardhjen e plotë të rrethanave të ngjarjes.