Një 51-vjeçar shqiptar ka mbetur i plagosur në ishullin Paksos të Greqisë, pas të shtënave me armë zjarri. Mediat greke raportojnë se bëhet fjalë për shtetasin Andrea Kalemi.
Sipas burimeve, 51-vjeçari është qëlluar 10 herë me armë zjarri në portin e Lakkës në Paxos. Ai ishte në ishull për pushime me gruan dhe fëmijët e mitur.
Ky i fundit është dërgua në gjendje të rëndë dhe po lufton për jetën në spitalin e Janinës.
Në vend ngjarje u gjetën 14 gëzhoja pistolete, ndërsa vijon puna për arrestimin e autorit. Policia ka emrin dhe identitetin e tij.
Bëhet fjalë për shtetas shqiptar me banim në Itali.
Ende nuk dihet shkaku i sulmit ndaj tij, por sipas Protothema.gr, dyshohet se është vrarë për larje hesapesh nga persona ende të paidentifikuar.
Njoftimi i Policisë greke:
“Autoriteti Portual i Paxos u njoftua mbrëmjen e djeshme për praninë e një burri në zonën bregdetare tokësore të portit të Lakka Paxos, i cili ishte qëlluar nga një tjetër person me identitet të panjohur.
Në vendngjarje kanë shkuar menjëherë zyrtarët e Stacionit Portual të Paxos, EL.AS. si dhe një autoambulancë e EKAV-së, e cila e ka marrë burrin dhe e ka transportuar në Qendrën Shëndetësore Paxos.
Burri është transportuar më pas me mjetin lundrues privat “PAXOS EXPRESS” L.P.805 në portin e Arrila Perdikas dhe më pas është transportuar me autoambulancë në Spitalin Universitar të Janinës.
Një hetim paraprak po kryhet nga Porti i Paxos”.
Discussion about this post