Një shqiptar i plagosur me armë zjarri ka mbërritur në urgjencën e një spitali në Spanjë. Ngjarja ka ndodhur pasditen e kësaj të marte, ndërsa i plagosuri është një person me origjinë shqiptare.
Sipas mediave, shqiptari ka mbërritur në spitalin e Tarragonas i plagosur me dy plumba në këmbë dhe me një goditje në kokë.
Ende nuk janë dhënë detaje lidhur me identitetin e shqiptarit, por paraprakisht raportohet se ai është nën kujdesin e mjekëve. Nga raportimet gjendja e tij shëndetësore është jashtë rrezikut për jetën.
Ndërkohë autoritetet kanë nisur hetimet për zbardhjen e ngjarjes dhe identifikimin e autorit apo autorëve.
Raportohet se i plagosuri është dërguar në spital nga persona që e kanë lënë në repartin e urgjencës dhe janë larguar.
Hetimet pritet të zbardhin zgjarjen, së pari duke zbuluar identitetin e shqiptarit, por edhe motivin e plagosjes së tij.
Sipas hipotezave të para, gjithçka duket se ka lidhje me trafikun e drogës. Shqiptarët janë kombësia e huaj që Mossos d’Esquadra ndalon më shumë në lidhje me kultivimin dhe trafikimin e marijuanës.
Që nga fillimi i vitit në Katalonjë, nëntë persona janë vrarë me armë zjarri, tetë prej tyre, sipas hetimeve të policisë, kanë lidhje me trafikun e drogës.
Discussion about this post