Një 37-vjeçar është vetëplagosur në këmbë me armë zjarri në Lushnjë, teksa është arrestuar së bashku me të vëllain dhe shokun e tij, pasi mashtruan Policinë dhe mjekët.
Në momentin kur kishte shkuar në spital, ai kishte deklaruar se ishte vetëplagosur aksidentalisht me thikë, ndërsa vëllai dhe shoku i tij fshehën makinën ku kishte ndodhur ngjarja.
Në pranga janë vënë shtetasi i plagosur, A. M., 37 vjeç, si dhe vëllai i tij, shtetasi I. M., 33 vjeç, dhe shoku i tij, shtetasi F. V., 40 vjeç.
Njoftimi
Nga hetimet e deritanishme dyshohet se 37-vjeçari është vetëplagosur aksidentalisht, në automjet, me një armë zjarri, të cilën e posedonte pa leje. Për të penguar zbulimin e së vërtetës, ky shtetas ka deklaruar në spital, se është dëmtuar aksidentalisht me mjet prerës. Aktualisht, ky shtetas është në kujdesin e mjekëve dhe jashtë rrezikut për jetën.
Dy shtetasit e tjerë u arrestuan sepse dyshohet se kanë fshehur automjetin ku u vetëplagos shtetasi A. M., si dhe kanë mbështetur deklaratën e rreme të tij. Gjatë kontrollit në automjetin e gjetur nga Policia, u gjetën dhe sekuestruan dy fishekë dhe një predhë armësh zjarri.”
Në drejtimin e Prokurorisë së Fierit po punohet për të dokumentuar me prova ligjore, të gjitha rrethanat e këtij rasti.
Discussion about this post