Një ngjarje e rëndë ka ndodhur pak çaste më parë në lagjen nr. 2 të Kavajës, ku shtetasi Artur Ligeja, pronar i një agjencie udhëtimesh dhe disa bizneseve të tjera, është plagosur me thikë.
Mësohet se autori i ngjarjes, Eri Velecia, i cili është ndaluar, njihet si përdorues i lëndëve narkotike.
Sipas informacioneve paraprake, autori ka hyrë në ambientet e biznesit në pronësi të Ligejas dhe i ka kërkuar para. Pas refuzimit të këtij të fundit, Velecia e ka sulmuar duke e goditur me thikë.
Gjithashtu, për të marrë informacion të plotë, po merret në pyetje edhe vetë i lënduari.
Autoritetet janë në vendngjarje dhe po punojnë për të sqaruar shkaqet dhe rrethanat e incidentit.
Discussion about this post