Një punonjës në Drejtorinë e Hekurudhave në Durrës, është dëmtuar gjatë orarit të punës këtë të martë.
Policia e këtij qyteti njofton se për këtë ngjarje janë referuar materialet në Prokurori për drejtuesin teknik në këtë drejtori, për shkelje të rregullave të mbrojtjes në punë.
Ndërkohë, 63-vjeçari A. M., është dëmtuar dhe ndodhet në spital nën kujdesin e bluzave të bardha.
“Specialistët për Hetimin e Krimeve të Stacionit të Policisë Plazh referuan materialet në Prokurori, për veprën penale “Shkelja e rregullave të mbrojtjes në punë”, në ngarkim të shtetasit I. XH., 62 vjeç, banues në Durrës, me detyrë teknik në Drejtorinë e Hekurudhave Durrës, pasi në lagjen nr.13, shtetasi A. M., 63 vjeç (punonjës i kësaj drejtorie), është rrëzuar gjatë kohës që po sistemonte ngarkesën në një kamion dhe për pasojë është dëmtuar. 63-vjeçari ndodhet në spital, në kujdesin e mjekëve. Materialet i kaluan Prokurorisë, për veprime të mëtejshme”, njoftoi policia.
Discussion about this post