Një 63-vjeçar është aksidentuar mbrëmjen e sotme teksa punonte në hekurudhën e Durrësit. 63-vjeçari, i identifikuar me iniciale A.M., teksa ishte duke sistemuar një ngarkesë në një kamion kur u rrëzua dhe u dëmtua. Pasi u rrëzua, u dërgua me urgjencë në spital, ndërkohë që tekniku i Drejtorisë së Hekurudhave është proceduar penalisht.
“Specialistët për Hetimin e Krimeve të Stacionit të Policisë Plazh referuan materialet në Prokurori, për veprën penale “Shkelja e rregullave të mbrojtjes në punë”, në ngarkim të shtetasit I. XH., 62 vjeç, banues në Durrës, me detyrë teknik në Drejtorinë e Hekurudhave Durrës, pasi në lagjen nr.13, shtetasi A. M., 63 vjeç (punonjës i kësaj drejtorie), është rrëzuar gjatë kohës që po sistemonte ngarkesën në një kamion dhe për pasojë është dëmtuar. 63-vjeçari ndodhet në spital, në kujdesin e mjekëve.
Materialet i kaluan Prokurorisë, për veprime të mëtejshme”, njofton policia.
Discussion about this post