Policia arrestoi një 27-vjeçar si të dyshuar për plagosjen me thikë të 22-vjeçarit A.GJ, banues në fshatin Hot i Ri.
Policia arriti të arrestojë autorin e dyshuar të plagosjes disa orë pas ngjarjes.
“Ky shtetas dyshohet se më datë 16.02.2024 rreth orës 09:10, në lagjen “Skënderbeg”, pas një konflikti të çastit, për motive të dobëta, ka dëmtuar me mjet prerës (thikë), shtetasin A. Gj., 22 vjeç, banues në fshatin Hot i Ri, i cili po merr asistencë mjekësore dhe është jashtë rrezikut për jetën.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme”, njoftoi Policia.
Discussion about this post