Një 21-vjeçar është arrestuar nga policia pasi përkrahu shokun e tij një 18 vjeçar gjatë një konflikti të çastit mbrëmjen e 26 gushtit në fshatin Ostren të Bulqizës.
Aranit Aliushi 18 vjeç plagosi me thikë gjatë një dasme në Bulqizë një 25 vjeçar, Besnik Kurtin.
E.K 21 vjeç shok i autorit u arrestua pasi përkrahu 18 vjeçarin gjatë konfliktit.
21 vjeçarit iu sekuestruan edhe 2 thika të cilat i kishte fshehur.
Njoftimi i policisë:
Përkrahu shokun e tij, 18-vjeçarin, i cili gjatë një konflikti të çastit, mbrëmjen e datës 26.08.2023, në fshatin Ostren, plagosi me mjet prerës, një shtetas tjetër, arrestohet 21-vjeçari.
Gjithashtu, në vijim të veprimeve pocedurale, 18-vjeçarit të arrestuar menjëherë pas ngjarjes, iu gjetën të fshehura 2 mjete prerëse (thika).
Si rezultat i veprimeve hetimore dhe procedurale, të kryera me qëllim identifikimin dhe nxjerrjen përpara përgjegjësisë penale, të të gjithë shtetasve të përfshirë në një konflikt të çastit, mbrëmjen e datës 26.08.2023, në fshatin Ostren, ku shtetasi A. A., 18 vjeç (i arrestuar menjëherë pas ngjarjes), plagosi me mjet prerës (thikë), shtetasin B. K., 25 vjeç, specialistët e Sektorit për Hetimin e Krimeve të DVP Dibër kapën dhe vunë në pranga shtetasin E. K., 21 vjeç, banues në fshatin Radovesh.
Nga hetimet rezultoi se 21-vjeçari ka përkrahur shtetasin A. A. (shokë me njëri-tjetrin), gjatë këtij konflikti.
Gjithashtu, në vijim të veprimeve procedurale për këtë rast, shtetasit të arrestuar A. A., iu gjetën dhe iu sekuestruan 2 mjete prerëse (thika), të cilat i kishte fshehur.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme.
Discussion about this post