Policia e Vlorës ka arrestuar drejtuesin e gomones që goditi një 60-vjeçar ditën e djeshme në Karaburun.
Ndaj 42-vjeçarit, Flori Tahiraj, rëndon vepra penale “Plagosje e rëndë me dashje”.
60-vjeçari aktualisht ndodhet në spitalin e Traumës, jashtë rrezikut për jetën. Ai ka marrë dëmtime në këmbë në pjesën e thembrës të cilën helika ja ka dëmtuar totalisht.
Policia gjithashtu sekuestroi mjetin lundrues gomonen në cilësinë e provës materiale.
Njoftimi i Policisë
Drejtoria Vendore e Policisë Vlorë
Në vijim të informacionit paraprak të dhënë ditën e djeshme, ku në vendin e quajtur “Shën Jani”, Karaburun, u godit nga helika e një mjeti lundrues gomone, në det dhe mbeti i dëmtuar në këmbë shtetasi A. K., 60 vjeç, banues në Tiranë, ju bëjmë me dije se në përfundim të veprimeve proceduriale, nga strukturat e hetimit në DVP Vlorë u bë arrestimi në flagrancë i drejtuesit të mjetit lundrues, shtetasit F. T., 42 vjeç, banues në Vlorë, për veprën penale “Plagosje e rëndë me dashje”.
60-vjeçari aktualisht ndodhet në spitalin e Traumës, jashtë rrezikut për jetën.
Mjeti lundrues gomone u sekuestrua në cilësinë e provës materiale.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme
Discussion about this post