Është identifikuar e reja që plagosi Zef Palokën në Vaun e Dejës mbrëmjen e shkuar. 68-vjeçari e ngacmonte prej 1 viti 21-vjeçaren, e cila e plagosi me thikë disa herë në bark. Kjo e fundit, në deklaratën e saj në polici ka theksuar se kishte një vit që ngacmohej nga 68 vjeçari me qëllim të kryerjes së marrëdhënieve seksuale me njëri tjetrin.
Po ashtu, autorja, e identifikuar si Nikoleta. Z ka sqaruar se mbrëmjen e djeshme ndodhej jashtë banesës së saj kur sërish 68- vjeçari e ka ngacmuar, dhe në atë moment ajo është futur në banesë ku ndodhej vetëm motra ka marrë thikën dhe ka qëlluar disa herë Palokën.
Edhe banorët e lagjes, kanë qenë në dijeni të këtij konflikti mes 21- vjeçares dhe 68 vjeçarit pasi ky i fundit e ngacmonte herë pas here. Pas ngjarjes 21 vjeçarja është vetëdorëzuar në policinë e Shkodrës ndërsa 68 -vjeçari ndodhet në -reanimacion për shkak të plagëve të marra.
Discussion about this post