Forcat policore kanë arrestuar Gentian Vatnikaj si autorin e dyshuar për plagosjen me armë zjarri të Alban Haklajt para disa ditësh në Tropojë.
24-vjecari, banues në Bajram Curri u kap në një banesë në fshatin Berishë, ku gjatë kontrollit shërbimet e Policisë gjetën dhe sekuestruan edhe armën e zjarrit pistoletë që ai dyshohet se ka përdorur në vendin e ngjarjes.
Ngjarja ndodhi në një lokal në qytetin e Bajram Currit, ku për motive të dobëta, Vatnikaj ka qëlluar me armë zjarri duke e lënë të plagosur Alban Haklajn. Ky i fundit u shoqërua për në spital ku nuk pati rrezik për jetën. Uniformat blu kanë sekuestruar një armë zjarri pistoletë, me të cilën i riu dyshohet se ka kryer plagosjen.
Discussion about this post