Policia e Kurbinit ka dhënë detajet e plagosjes së ndodhur mbrëmjen e sotme në fshatin Gjorm. Sipas policisë, ngjarja ka ndodhur rreth orës 20:15, ku 41-vjeçari Met Lika, banues po në këtë fshat, dyshohet se gjatë një konflikti të çastit për motive të dobëta, me bashkëfshatarin e tij, 53-vjeçarin Rasim Tafa, e ka plagosur me armë zjarri këtë të fundit, i cili është dërguar në spital, për ndihmë mjekësore.
Ndërkohë burime për mediat kanë bërë me dije se konflikti mes dy bashkëfshatarëve ka ndodhur për një lopë. Mësohet se lopa kishte hyrë në tokën e autorit dhe ishte krijuar shkak i konfliktit mes tyre.
Menjëherë pas ngjarjes policia ka mbërritur në vendin e ngjarjes dhe ka arrestuar Met Likën.
Grupi hetimor, nën drejtimin e Prokurorisë së Rrethit Gjyqësor Kurbin, ndodhet në vendin e ngjarjes dhe vijon veprimet hetimore për zbardhjen e plotë të rrethanave të ngjarjes dhe dokumentimin ligjor të saj.
Discussion about this post