Plagosi me armë gjahu 53-vjeçarin, arrestohet i riu në Elbasan

Policia në Elbasan arrestoi një 33-vjeçar i cili plagosi me armë gjahu një shtetas tjetër, gjatë një konflikti për motive të dobëta.

Në kuadër të operacionit të koduar “Reagimi” u vu në pranga shtetasi Ilir Dedja, 32 vjeç, me precedent të mëparshëm penal në fushën e vjedhjes.

Nga veprimet hetimore dyshohet se 32-vjeçari, gjatë një konflikti për motive të dobëta, ka qëlluar me armë gjahu shtetasin B. B., 53 vjeç, i cili është në kujdesin e mjekëve, jashtë rrezikut për jetën.

“Më tej, në vijim të veprimeve u referuan materialet në Prokurori ku nisi procedimi penal për shtetasin A. M., 35 vjeç, pasi dyshohet se ka pasur dijeni për ngjarjen dhe nuk ka kallëzuar”, njoftoi policia lokale.