Policia ka arrestuar sot një 41-vjeçar, pasi ka plagosur me armë zjarri kunatin e tij në qytetin e Shkodrës. Ngjarja ka ndodhur pas një konflikti mes dy meshkujve, ku 41-vjeçari; Misir Tanushi dyshonte se kunati i tij, 54-vjeçari, Genci Mullaymeri kishte ushtruar dhunë fizike dhe psikologjike ndaj bashkëshortes së tij (motra e autorit të plagosjes).
Incidenti ka ndodhur në banesën e 54-vjeçarit në rrugën “Llambi Bonata”, ku pas grindjes, autori ka tërhequr armën dhe ka qëlluar kunatin.
Në kërkim është shpallur nipi i autorit, pasi ndodhej në vendngjarje në momentin kur ndodhi plagosja
Njoftimi i Policisë
Specialistët për Hetimin e Krimeve të Rënda arrestuan shtetasit M. T., 41 vjeç, dhe G. M., 54 vjeç, pasi ditën e djeshme, në rrugën “Llambi Bonata”, në banesën e 54-vjeçarit, shtetasi M. T., pas një konflikti të çastit, ka plagosur me armë zjarri kunatin e tij, shtetasin G. M., i cili dyshohet se pak më parë kishte ushtruar dhunë fizike dhe psikologjike ndaj bashkëshortes së tij.
Vijon ende puna për kapjen e shtetasit N. S. (nip i shtetasit M. T.), i cili ndodhej në banesë në momentin e ngjarjes. Arma e zjarrit u sekuestrua në cilësinë e provës materiale.
Discussion about this post