Plagosi me armë zjarri fqinjin, policia i zbulon autorit “shtëpinë e barit”

44-vjeçari Blerim Selaci ka plagosur me armë zjarri fqinjin e tij 62-vjeçarim Lutfi Kupa ditën e sotme në Fushë Krujë.

Ndërkohë uniformat blu teksa janë në kërkim të 44-vjeçarit, gjatë kontrollit në banesën e tij, kanë zbuluar një ambient të cilin e kishte përshtatur për kultivimin e bimëve narkotike me anë të llambave.

Gjithashtu, gjatë kontrollit, shërbimet e Policisë gjetën dhe sekuestruan edhe një armë zjarri pistoletë me mulli dhe municion luftarak.

Ndërkohë Kupa ndodhet në Spitalin e Traumës, jashtë rrezikut për jetën. Si duket, 62-vjeçari është djali i xhaxhait të Ilir Kupës, i cili njihet për arratinë nga burgu grek, dhe si anëtar i bandës së “Babagjyshëve.”