Plagosi me thikë 35-vjeçarin, shpallet në kërkim i riu në Fier, nën hetim bashkëshortja

Policia e Fierit ka shpallur në kërkim autorin e plagosjes së ndodhur një ditë më parë, ku mbeti i plagosur një 35-vjeçar.

“Specialistët e Sektorit për Hetimin e Krimeve të Rënda të DVP Fier shpallën në kërkim shtetasin A. K., 25 vjeç, banues në Fier, pasi dyshohet se gjatë një konflikti, ka plagosur me thikë,   shtetasin E. G., 35 vjeç, i cili po merr ndihmë mjekësore në spital dhe është jashtë rrezikut për jetën.”, kanë bërë me dije uniformat blu.

Po ashtu, po hetohet edhe bashkëshortja e të riut, me inicialet G.B (K), e cila dyshohet se ka penguar zbulimin rrethanave të ngjarjes.

Ngjarja ndodhi mesditën e së dielës, ku pas një debati verbal, 35-vjeçari mbeti i plagosur me thikë në pjesën e barkut.