Një 43 vjeçar u shoqërua nga policia, si autor i dyshuar i një plagosje të dyfishtë që ka ndodhur në Divjakë.
Nga rportimet mësohet se është shoqëruar në komisariatin e Policisë Divjakë shtetasi A.V, 43 vjeç, i cili dyshohet se ka plagosur me thikë babë e bir, 45 dhe 18 vjeç, të cilët ndodhen në spital nën kujdesin e mjekëve.
“Rreth orës 12:30, në plazhin e Divjakës, pas një konflikti për motive të dobëta, shtetasi A.V., 43 vjeç, ka plagosur me mjet prerës (biçak) shtetasin R K., 45 vjeç dhe djalin e tij 18 vjeç, të cilët ndodhen në spital, në kujdesin e mjekëve.
Është bërë e mundur kapja e menjëhershme dhe shoqërimi në ambientet e Komisariatit të Policisë Divjakë, i shtetasit A.V., me qëllim kryerjen e veprimeve të mëtejshme procedurale. Grupi hetimor në bashkëpunim me Prokurorinë vijon punën për zbardhjen e plotë të rrethanave të kësaj ngjarjeje”, thuhet në njoftimin e bluve.
Discussion about this post