Plagosi me thikë bashkëshorten në Korçë, lihet në burg 46 vjeçari

Gjykata ka lënë në burg, 46-vjeçarin Aleko Myrtollari, i cili goditi me thikë bashkëshorten e tij mbrëmjen e së dielës.

Gjatë seancës, ai ka pranuar autorësinë, por është shprehur se nuk e ka bërë me qëllim, por në kushte të rënda emocionale.

46-vjeçari ka shprehur pendesë për ngjarjen.

“Më mbetën fëmijët pa shkollë për shkak të gruas dhe nuk u edukuan mirë. Unë punoja jashtë shtetit, ajo prishte paratë e mia këtu dhe varte florinj në qafë.

Çupa me pinte cigare dhe fëmijët ishin pa shkollë kur erdha nga Gjermania, ndërkohë që gruaja kishte florinj në qafë. U pendova për krimin. Nuk gjeta një familje të rregullt.”