Plagosi me thikë një 19-vjeçar pas një sherri, arrestohet autori në Gjirokastër

Policia bën me dije se ka vënë në pranga 29-vjeçarin me iniciale L.Dh, pasi ka plagosur me thikë një 19-vjeçar për motive të dobëta.

Autori u arrestua mbrëmjen e djeshme për veprën penale “Plagosja e rëndë me dashje”.

19-vjeçari u transportua në spitalin e Traumës në Tiranë ku ndodhet aktualisht në gjendje të rëndë shëndetësore.

Njoftimi i Policisë:

Në vijim të informacionit paraprak të dhënë mbrëmjen e djeshme, për ngjarjen e ndodhur në lagjen “Kodra e Shtufit”, ju informojmë se specialistët për Hetimin e Krimeve të Rënda në DVP Gjirokastër arrestuan në flagrancë për veprën penale “Plagosja e rëndë me dashje”, shtetasin L. Dh., 29 vjeç, banues në Gjirokastër, pasi gjatë një konflikti të çastit për motive të dobëta, ka goditur me mjet prerës (thikë), shtetasin L. H., 21 vjeç, banues në lagjen “Kodra e Shtufit”, i cili aktualisht ndodhet në spitalin e Traumës, Tiranë, në gjendje të rëndë shëndetësore. Në cilësinë e provës materiale u sekuestrua mjeti prerës (thikë).