Policia e Shtetit ka arrestuar një person për plagosjen e ndodhur të mërkurën në Milot, ndërsa ka proceduar penalisht në gjendje të lirë edhe të plagosurin.
Në njoftimin zyrtar, policia sqaron se është arrestuar shtetasi K. K., i përfshirë në konflikt, pasi dyshohet se gjatë sherrit të çastit ka dëmtuar me mjet prerës shtetasin A. A., si dhe i ka thyer xhamin e automjetit.
Gjithashtu, policia ka nisur procedim penal në gjendje të lirë për shtetasin A. A., i cili është i plagosuri, pasi dyshohet se ka dhënë deklarim të rremë lidhur me rrethanat e konfliktit.
Po ashtu, janë proceduar në gjendje të lirë edhe shtetasit E. K. dhe G. K., të cilët rezultojnë të përfshirë në sherrin që degjeneroi në dhunë.
Kujtojmë se ngjarja ndodhi të mërkurën në Milot, ku si pasojë e një konflikti të çastit mbeti i plagosur me thikë një person.
Në sherrin e përfshirë ishin katër persona, dy prej të cilëve janë vëllezër.
Discussion about this post