Policia e Tiranës ka arrestuar Markeljan Beqiri, autori i plagosjes me armë zjarri në 9 dhjetor të vitit të kaluar në një hotel në autostradën Durrës-Tiranë. 26-vjeçari Markeljan Beqiri, që është vendosur në pranga akuzohet se tentoi të vrasë me armë zjarri Arni Sulejmanin 20-vjeç.
Ngjarja ndodhi në datën 9 dhjetor, në një hotel në Durrës, ku katër të rinj ndodheshin së bashku brenda dhomës së hotelit, konkretisht: Arni Sulejmani, Markeljan Beqiri, Tefik Shehu dhe një vajzë, ndodheshin në dhomën e një hoteli, në autostradën Durrës-Tiranë.
Për shkaqe të paqarta, 26-vjeçari Beqiri, tentoi të vrasë me armë zjarri Arni Sulejmanin, 20-vjeç. Tentativa e tij dështoi dhe i riu mbeti i plagosur, ku më pas iu nënshtrua një ndërhyrje kirurgjikale. Pas ngjarjes, Beqiri dhe 32-vjeçari Tefik Shehu u larguan nga hoteli dhe tashmë të dy janë në prangat e policisë.
Gjykata e Shkallës së Parë Durrës i ka caktuar këtij shtetasi masën e sigurisë “Arrest në burg”, si i dyshuar për kryerjen e veprave penale “Vrasja me dashje” mbetur në tentativë, “Moskallëzimi i krimit”, “Veprime që pengojnë zbulimin e së vërtetës” dhe “Armëmbajtja pa leje”.
Discussion about this post