Detaje të reja janë mësuar në lidhje me plagosjen e 15-vjecarit, ngjarje e ndodhur mbrëmjen e djeshme në Fushë Mëzez.
Tre vëllezër të familjes Pëllumbi jetonin në një banesë private një katëshe me tre hyrje, ku secili kishte hyrjen e tij. Dy nga vëllezërit që ishin binjakë Florent dhe Nazmi Pëllumbi kanë pasur një konflikt për motive të dobëta me njëri-tjetrin dhe janë zënë në oborrin e banesës dhe më pas kanë ndërhyrë pjesëtarë të tjerë të familjes Pëllumbi për t’i ndarë.
Në atë moment Nazmi Pëllumbi ka shkuar në banesë ka marrë automatikun dhe është kthyer në oborrin e banesës për të qëlluar drejt vëllait binjak Florent Pëllumbi. Dëshmitarët kanë deklaruar në polici se i kanë parë duke i tërhequr armën njëri-tjetrit. Ndërsa 15-vjecari që mbeti i plagosur nuk ka qenë në banesë kur ndodhi konflikti, ai ka qene jashtë dhe ka dëgjuar zhurmën që po konfliktoheshin xhaxhallarët dhe është nisur për t’u futur brenda në oborrin e shtëpisë.
Në momentin që është afruar të porta kryesore e banesës dhe për t’u futur në oborr e kanë kapur plumbat.
Nga pamjet që ka policia duket që i mituri është jashtë dhe teksa hap portën për t’u futur në oborr ku po konfliktoheshin xhaxhallarët e kapin 3 plumba, një në kraharor dhe dy në krah.
I mituri është plagosur para derës së shtëpisë, plumbat kanë çarë llamarinën e portës dhe kanë goditur të miturin.
Familja Pëllumbi, tre vëllezërit nuk ka treguar të vërtetën dhe ka qenë më pas e ëma e të miturit që ka pasur konflikt mes kunetërve. Më pas policia ka parë edhe shenjat e plumbave në portë. Në banesën e Florent Pëllumbit policia gjeti edhe kokainë. Dy vëllezërit binjakë sipas policisë janë kontingjent dhe dyshohen si shpërndarës droge dhe për këtë arsye mund te ketë pasur mosmarrëveshje dhe konflikt mes tyre.
Lexo edhe:
Tiranë/ Plagosja e 15-vjeçarit, u qëllua nga xhaxhai pas sherrit me vëllain – Detajet
Discussion about this post