Policia e Tiranës ka zbardhur plagosjen me armë zjarri zjarri të 27-vjeçarit Renato Çadra, e regjistruar mbrëmjen e së premtes në vendin e quajtur “Zona e Treshit”. I riu u paraqit vetë në spital i plagosur në këmbë.
Blutë e kryeqytetit bëjnë me dije se kanë identifikuar tre autorët, teksa ngjarja ka ndodhur pas një konlikti për motive të dobëta. Dy prej autorëve janë arrestuar, ndërsa një tjetër është shpallur në kërkim. Po ashtu, në pranga është vënë edhe një shtetas tjetër për “moskallëzim krimi”.
Më konkretisht, janë arrestuar shtetasit Bekim Nikolli, 47 vjeç dhe Alfred Lleshi, 42 vjeç, për veprat penale “Vrasje me dashje” e kryer në bashkëpunim, e mbetur në tentative dhe “Mbajtja pa leje dhe prodhimi i armëve shpërthyese dhe i municionit”, si dhe shtetasi Ibrahim Kupa, 51 vjeç, për veprën penale “Moskallëzim i krimit”;
Ndërkohë, në kërkim është shpallur shtetasi S. N., 35 vjeç.
“Nga veprimet e para hetimore rezultoi se shtetasit Bekim Nikolli, 47 vjeç, Alfred Lleshi, 42 vjeç dhe S. N., 35 vjeç , gjatë një konflikti të çastit, për motive të dobëta, kanë plagosur me armë zjarri në këmbë shtetasin Renato Çadra, i cili ndodhet në spital, në kujdesin e mjekëve, jashtë rrezikut për jetën. Ndërsa shtetasi Ibrahim Kupa, 51 vjeç, nuk ka kallëzuar për ngjarjen.
Gjithashtu, gjatë konfliktit ka mbetur i demtuar lehtë me sende të forta, shtetasi G. Sh., 42 vjeç, i cili ishte në shoqërinë e të dëmtuarit.” – raporton Policia.
Autoritetet thonë se vijon puna nën drejtimin e Prokurorisë, për dokumentimin e plotë ligjore të ngjarjes si dhe lokalizimin dhe kapjen e 35-vjeçarit të shpallur në kërkim.
Materialet procedurale i janë referuar Prokurorisë së Tiranës, për veprime të mëtejshme.
Discussion about this post