Vëllai i Qani Muçës, personit që plagosi me armë zjarri punonjësin e Inspektoratit të Mbrojtjes së Territorit ka treguar se ngjarja ka ardhur si pasojë e gjaknxehtësisë së 55-vjeçarit. Në një bisedë telefonike për Balkanweb, vëllai i Muçës shprehet se në momentin që ka inspektorët kanë shkuar të prishin shtëpinë, brenda banesës ka qenë vetëm vajza e mitur e familjes, e cila është trembur.
Ai tregon se mbesa është terrorizuar kur ka parë efektivët që i janë futur brenda dhe ka dhënë alarmin duke njoftuar prindërit që ishin në punë.
“Kryefamiljari, vëllai im nuk ka qenë në shtëpi. Edhe gruaja e tij ka qenë në punë. Në banesë ka qenë vetëm vajza minorene. Kanë shkuar policia që t’i shembte shtëpinë. E kanë çorientuar vajzën, e kanë trembur një tufë me policë. E kanë shembur shtëpinë,”- tha vëllai i Qani Muçës.
Qani Muça qëlloi në drejtim të tre inspektorëve në momentin që IMT-ja i shembi banesën. Një nga plumbat kapi një prej punonjësve të IMT-së, Ilirjan Gavelli. Muça është arrestuar, ndërsa Gavelli ndodhet në spital.
Discussion about this post