Detajet të reja janë zbardhur nga ngjarja e rëndë në Shkodër, ku ish-kreu i PS në Vaun e Dejës, Nikolin Huba, mbeti i plagosur nga persona ende të paidentifikuar.
Burime për Gijotina.com, shprehen se pista kryesore ku po heton policia është ajo e drogës, pasi kohët e fundit janë asgjësuar disa rrënjë kanabis në Vaun e Dejës, ku janë arrestuar disa persona.
Pista kryesore e policisë është se kultivuesit kanë dyshuar se Huba mund t’i ketë dhënë informacion efektive, duke i dhënë kështu një mesazh përmes plagosjes. Megjithatë, kjo pistë është ende e pabazuar në prova, ndërsa polica po punon për zbardhjen e plotë.
Nuk dihet nëse Huba ka pasur konflikte të mëparshme, pasi ai vetë e mohoi diçka të tillë para efektivëve duke thënë se “Unë nuk e di se kush janë, sepse nuk kam asnjë konflikt me askënd. Vetëm qëlluan dhe ikën, nuk kam asnjë ide përse më qëlluan”.
Nikolin Huba është ish-kryetar i Partisë Socialiste në Vaun e Dejës, ndërsa aktualisht është anëtar i Këshillit Bashkiak dhe punonjës në Hidrocentralin e Komanit.
Atentati ndaj ish-kreut të PS në Vaun e Dejës, Huba: Nuk kam konflikte
Detaje të reja kanë dalë në dritë nga atenatati në Shkodër, ku i plagosur ka mbetur ish-kreu i PS në Vaun e Dejës, Nikolin Huba.
Burime për Gijotina.com shprehen se deri tani nuk ka asnjë pistë për ngjarjen e rëndë, ndërsa vete Huba ka thënë para policisë se nuk ka konflikte me askënd. Po ashtu, mësohet se 54 vjeçari do të dërgohet në Tiranë për mjekim më të specializuar.
“Sapo kam dalë nga kafja dy persona me motor me skafandë në kokë janë afruar dhe më kanë qëlluar. Nuk më kanë thënë asnjë fjalë. Unë nuk e di se kush janë, sepse nuk kam asnjë konflikt me askënd. Vetëm qëlluan dhe ikën, nuk kam asnjë ide përse më qëlluan”, ka thënë Huba.
Huba është qëlluar me pistoletë me silenciator ndërsa atentatorët kanë qenë me maska për të mos u njohur. Ngjarja ka ndodhur në afërsi të Shkollës Pyjore, ku Huba ka mbetur i plagosur në këmbë në rrethana ende të paqarta.
Ai është ish-kryetar i Partisë Socialiste në Vaun e Dejës, ndërsa aktualisht është anëtar i Këshillit Bashkiak dhe punonjës në Hidrocentralin e Komanit.
Ngjarja në Shkodër, i plagosur ish-kreu i Partisë Socialiste në Vaun e Dejës, FOTO
Nikolin Huba është 54-vjeçari i cili ka mbetur i plagosur mëngjesin e sotëm me armë zjarrin në Shkodër. Burime për Gijotina.com, bëjnë me dije se Huba është ish-kryetar i Partisë Socialiste në Vaun e Dejës, ndërsa aktualisht është anëtar i Këshillit Bashkiak dhe punonjës në Hidrocentralin e Komanit.
Ngjarja ka ndodhur pak minuta më parë në afërsi të Shkollës Pyjore rreth ku Hubaj ka mbetur i plagosur në këmbë në rrethana ende të paqarta. 54-vjeçari është dërguar në spitalin e Shkodrës dhe ndodhet jashtë rrezikut për jetën.
Autori ka qenë me motor është dhe larguar në drejtim të unazës së qytetit. Policia ndodhet në vendngjarje dhe po punon për identifikimin dhe kapjen e tij, ndërsa nuk dihen ende arsyet e plagosjes.
Të shtëna me armë në Shkodër, plagoset 54-vjeçari
Të shtëna me armë zjarri janë regjistruar në qytetin e Shkodrës, ku një 54 vjeçar është plagosur ne këmbë.
Mësohet se, ngjarja ka ndodhur pak minuta më parë në afërsi të Shkollës Pyjore rreth 10:15, ku në rrethana ende të paqarta është plagosur me armë zjarri në këmbë, personi me iniciale N. H., 54 vjeç, banues Vau Dejës.
Sipas njoftimit të policisë, 54-vjeçari është dërguar në spitalin e Shkodrës dhe ndodhet jashtë rrezikut për jetën.
Policia ndodhet në vendngjarje dhe po punon për identifikimin dhe kapjen e autorit, ndërsa nuk dihen ende arsyet e plagosjes.
