Andrea Kalemi alias Adriatik Kalemi, 51 vjeç nga Tepelena, i cili po vuan një dënim në burgun e Koridhalos në Greqi, u sulmua nga një egjiptian me një bisturi, ngjarje e ndodhur më 14 dhjetor.
Mediat greke shkruajnë se autori i sulmit, 28-vjeçar, kishte si synim vrasjen e Kalemit, duke i prerë arterien karotide, me bisturi.
Kalemi prite të lirohej nga burgu ku mbahej për akuzën e hyrjes së paligjshme në territorin grek, kur u sulmua nga egjiptiani.
Ai u arrestua pasi u rikuperua nga atentati i 9 gushtit, ku u plagos rëndë me armë në ishullin Paxos të Greqisë.
Sipas mediave greke, autori egjiptian e kishte fshehur bisturinë në pëllëmbën e dorës dhe Kalemin e ka goditur në kraharor, qafë dhe krah.
Pavarësisht se është goditur, Kalemi është mundur të mbrohet disi pasi një i burgosur ka parë lëvizjet e egjiptianit dhe ka paralajmëruar Kalemin. Sipas “Espresso”, egjiptiani vepronte nën urdhrat që vinin nga një tjetër burg grek i “karakterit të veçantë”.
Discussion about this post