Gjykata ka dhënë masën e sigurisë “arrest me burg” për Fatjon Bono 32 vjeç, Ledion Shkullaku 27 vjeç, Kristjan Kresto 26 vjeç, Hekuran Gjona 22 vjeç, dhe Rudi Shaho 28 vjeç, të cilët akuzohen për plagosjen e të riut Johan Muçllarit në Pogradec.
Të pestë personat akuzohen për veprat penale “Moskallëzimi i krimit”, “Veprime që pengojnë zbulimin e së vërtetës” dhe “Përkrahja e autorit të krimit”, të përfshirë në plagosjen e Muçllarit. Në kërkim janë Firdeus Berberi e Greisi Maxhari të cilët dyshohen se janë autorët e plagosjes së të riut.
Ngjarja e rëndë ndodhi më 26 Prill, ku Johan Muçllari u paraqit vetë në spitalin e Pogradecit dhe para bluzave të bardha rrëfeu se dy persona i kishin bërë atentat. Ai kishte marrë një plumb në këmbë e një plagë të shkaktuar nga thika rrëzë qafës. Duke parë gjendjet e rëndë shëndetësore, Muçlllari u nis për në spitalin e Traumës, aty u trajtua nga mjekët.
Ky nuk është atentati i parë që kryhet ndaj familjes Muçllari! Gjatë vitit 2020, Jetmir Muçllari ka denoncuar se kanë tentuar disa herë që ta eliminojnë atë dhe djemtë e tij, ndaj dhe ka kërkuar mbrojtje nga Policia e Shtetit.
Discussion about this post