Klered Bozhanaj, 42-vjeçari që u arrestua mbrëmjen e djeshme nga Policia e Tiranës, si i dyshuar për plagosjen e një punonjësi policie dy ditë më parë, është marrë në pyetje dy herë nga grupi hetimor.
Gjithashtu pritet që Bozhanaj ti nënshtrohet një kontrolli mjekësor për të parë nëse vuan ose jo nga çrregullime mendore, pasi ka dhënë dëshmi kontradiktore lidhur me ngjarjen.
Ndërkohë janë zbardhur detaje nga dosja hetimore, ku tregohet si ka rrjedhur ngjarja.
Në dosjen hetimore të Prokurorisë, ku jepet dëshmia e gruas së autorit të dyshuar, shkruhet se ajo kishte dëgjuar disa zhurma, por pa dhënë detaje se për çfarë zhurmash bëhej fjalë.
Sipas deklarueses, 42-vjeçari saj i kishte dhënë disa lekë djalit të tyre për të blerë fara, dhe se po e priste jashtë banese dhe pas kontrolleve të ushtrua nga disa policë, burri i saj ishte futur mes pallateve dhe se nuk kishte marrë vesh gjë për të, edhe pse kishin kaluar disa orë, raporton Neës24.
Bashkëshortja e Klered Bozhanajt sqaron se më pas ka nisur kërkimet e saj në lagje, bashkë me vjehrrin për të mësuar se ku ndodhej 42-vjeçari.
Ndërsa sa i përket mundësisë së kontaktit me të arratisurin, ajo sqaroi se nuk kishte dijeni se ku ishte bashkëshorti i saj dhe se nuk kishte folur me të, pasi ai nuk dispononte telefon.
Discussion about this post