Policia e Kosovës dhe KFOR kanë shtuar patrullimet në rrugët e Shtërpcës, një ditë pasi një ushtar i FSK plagosi me armë dy serbë pranë qytetit të frekuentuar nga turistët.
Ngjarja solli reagimin e menjëhershëm të komunitetit serb që jeton në këtë zonë, të cilët u grumbulluan menjëherë në protestë dhe bllokuan aksin kryesor rrugor që lidh qytetin e Shtërpcës me pjesën tjetër të vendit.
Protestuesit vendosën goma në të dy anët e rrugës dhe iu vunë zjarrin duke bllokuar në këtë mënyrë qarkullimin e mjeteve.
Policia bën me dije se dy të plagosurit e moshës 11 dhe 21 vjeç tashmë ndodhen në spital jashtë rrezikut për jetën, ndërkohë që i dyshuari për këtë ngjarje u vetëdorëzua në polici.
Ngjarja u dënua menjëherë nga autoritetet e Kosovës, ndërkohë që përfaqësuesit e serbëve nuk vonuan të akuzonin qeverinë se ishte ajo që nxiste dhunë ndaj serbëve të pafajshëm.
Discussion about this post