Dalin pamjet e shqiptarit që u plagos me armë zjarri nga policia greke, pasi u përplas disa minuta me ta
Mediat greke kanë publikuar pamjet e momentit të ndjekjes dhe shkëmbimit të zjarrit mes 35-vjeçarit nga Shqipëria dhe policisë. Ndër të tjera bëhet me dije se gjatë përplasjeve është plagosur edhe një efektiv policie, i cili tashmë gjendet jashtë rrezikut për jetën.
Sipas informacioneve kërkimet për 35-vjecarin nisën pasi, në 8 tetor një grua greke kishte denoncuar vjedhjen e makinës. Policia u vendos në lëvizje me postblloqe dhe gjatë kontrolleve i bëri shenjë një makine të dyshimtë që drejtohej nga shqiptari që të ndalonte.
Por ky i fundit, nuk iu bind urdhrit të policisë, por filloi të kundërpërgjigjet duke gjuajtur me armë në drejtim të patrullës.
