Plagosi Vis Korçarin në Elbasan 2 vjet më parë, arrestohet autori (Emri)

në Aktualitet

Kohë leximi: 1 min

Policia e Elbasanit ka mundur të vërë sot në pranga Migert Qosjen, i cili plagosi dy vite më parë Vis Korçarin. Sipas burimeve, pas kaq kohësh në kërkim 27-vjeçari ka rënë në gjurmët e policisë nga denoncimet e bëra dhe kërkimet e një pas njëshme.

Kujtojmë se Qosja më datë 25.11.2020, në lagjen “Emin Matraxhiu”, Elbasan, pas një konflikti me Korçarin ka qëlluar me armë zjarri në drejtim të tij, duke e plagosur atë. Asaj kohe, i riu u largua nga ngjarja dhe për dy vite ka qenë në arrati. Migert Qosja qëlloi me armë zjarri në drejtim të mjetit tip MAZDA, në të cilin ndodhej Ervis Çausholli, i njohur si një nga personazhet më të rrezikshme të qytetit. “Vis Korçari” mbeti i plagosur në shpatull. I riu shkoi më këmbët e tij në spitalin rajonal të Elbasanit duke kërkuar ndihmën e parë nga mjekët dhe më pas është larguar në drejtim të Tiranës, aty ku u kurua.

Çausholli, i njohur ndryshe edhe si “Vis korçari” është një emër mjaft i njohur për policinë në Elbasan, pasi rezulton të jetë i përfshirë në disa ngjarje të tjera kriminale në qytet, por nuk është dënuar asnjëherë lidhur me ngjarjet për të cilat është akuzuar. Ai njihet si një nga personat më të afërm të Ardjan Çapjas.