Autori i plagosjes me armë zjarri ndaj Kujtim Meta 44-vjeç pasditen e sotme, ka shkuar në këmbë në lokalin ku Meta po pinte kafe dhe ka qëlluar drejt tij. Këto janë të dhënat paraprake nga grupet hetimore, ndërsa mësohet se 44-vjeçari ndodhet në gjendje kritike për jetën.
Ai ka marrë dy plumba, një në bark dhe një në gjoks. Nuk dihet ende nëse motiv ka qenë ndonjë sherr i momentit, apo kemi të bëjmë me një atentat mafioz.
I plagosuri mësohet se është shofer kamioni. Policia po heton për të shkuarën e të plagosurit, ndërsa në vëzhgim do të merren edhe kamerat e sigurisë në vendin e ngjarjes për të zbardhur të plotë dinamikën e ngjarjes. Identiteti i autorit nuk është zbardhur ende, ndërsa raportohet se janë ngritur pika kontrolli në të gjitha hyrje-daljet e qytetit të Lushnjës me qëllim kapjen e autorit.
Discussion about this post