Ernest Lama 24-vjeç dhe Gëzim Hoxhaj 32-vjeç, dy të plagosurit në qytetin e Sarandës sot kanë marrë plumba në pjesën e barkut dhe legenit.
Sipas policisë rreth orës 15:00 në lagjen nr. 4, Sarandë, në rrethana ende të paqarta, dyshohet se janë plagosur me armë zjarri shtetasit, të cilët pas ndihmës së parë mjekësore në spitalin e Sarandës, do të dërgohen drejt spitalit të Traumës, Tiranë, për mjekim të specializuar.
Grupi hetimor, nën drejtimin e Prokurorisë Sarandë, po vijon punën për identifikimin e autorit, zbardhjen e e rrethanave dhe dokumentimin e plotë ligjor të kësaj ngjarjeje
Gjithashtu bëhet me dije se të plagosurit do t’i nënshtrohen ndërhyrjes kirurgjikale. Rrethanat e ngjarjes mbeten të paqarta. Forca të shumta policie kanë mbërritur në vendngjarje, kanë rrethuar zonën dhe po kryejnë veprime hetimore për të identifikuar autorin apo autorët e kësaj ngjarjeje të rëndë.
Discussion about this post