Plagosja me armë në Shijak, zbulohet autori dhe i plagosuri

Një plagosje me armë zjarri ka ndodhur këtë të premte në Xhafzotaj të Shijakut.

Lidhur me ngjarjen bëhet me dije se autori i plagosjes është shtetasi Arbër Hoxha, ndërsa i plagosur ka mbetur Enidor Dedja. Ky i fundit është jashtë rrezikut për jetën.

“Shijak/Informacion paraprak

Rreth orës 11:15, dyshohet se gjatë një konflikti të çastit, për motive të dobëta, është plagosur me armë zjarri në këmbë shtetasi E. D.,36 vjeç, banues në Shijak, i cili është në kujdesin e mjekëve, jashtë rrezikut për jetën.

Shërbimet e Policisë, me marrjen e njoftimit, shkuan menjëherë në vendin e ngjarjes dhe falë veprimeve të shpejta hetimore bënë të mundur identifikimin e autorit të dyshuar shtetasit A. H., 30 vjeç, banues në Durrës dhe vijon krehja e zonës për kapjen e tij”, njofton policia.