Tre ditë pas ngjarjes Policia e Tiranës e cila mund ta kishte parandaluar plagosjen me armë zjarri të të riut me iniciale R.S, ka zbardhur dhe identifikuar 3 autorët. Blutë bëjnë me dije se janë shpallur në kërkim 3 persona të identifikuar me iniciale L. L., 23 vjeç, B. A., 27 vjeç dhe A. C., 26 vjeç.
Sipas hetimeve, ngjarja ka ndodhur si pasojë e një konflikti, i cili ka agravuar deri në përdorimin e armës nga njëri prej autorëve të lartpërmendur. Policia jep detaje se i palgosur ka mbetur i riu i identifikuar me iniciale R. S., 21 vjeç i cili ndodhet në spital, jashtë rrezikut për jetën.
Uniformat blu sqarojne se nuk ka persona të tjerë të dëmtuar nga përdorimi i armës së zjarrit.
Ndërsa, materialet i kaluan Prokurorisë pranë Gjykatës së Shkallës së Parë Tiranë, për veprime të mëtejshme.
