I shtypën me makinë qenin të miturit, 43-vjeçari mori hak dhe plagosi me thikë 2 të rinjtë në Sarandë
Është zbardhur shkaku i plagosjes me thikë e vëllezërve në Sarandë mbrëmjen e djeshme. Dy të rinjtë i kishin shtypur qenin me makinë 43-vjeçarit Ibrahim Duda. Ky i fundit kreu aktin e rëndë duke sulmuar me thikë në lagjen numër 4 të qytetit bregdetar, vëllezërit, në shenjë hakmarrje.
Duda iu afrua 17-vjeçarit me inicialet K.G duke e sulmuar me thikë. Pranë këtij të fundit ishte dhe i vëllai, 16-vjeçari, i cili po ashtu u sulmua nga 43-vjeçari. Të miturit morën plagë të rënda në kraharor dhe u dërguan menjëherë në spital për mjekim, në gjendje të rëndë. Nuk dihet se si është gjendja e tyre sot.
Autori i cili është person me precedent penal në të shkuarën, pasi ka qenë dënuar për tentativë vrasje dhe për vjedhje e kundërshtim të forcave të policisë, u largua menjëherë nga vendi i ngjarjes. Policia është në kërkim të tijin.
Discussion about this post