Plagosja në Durrës, arrestohet autori i dyshuar/ Detajet

Policia ka arritur të arrestojë autorin e dyshuar të plagosjes së ndodhur mbrëmjen e sotme në Fllakë (Durrës).

Sipas policisë, rreth orës 19:50, në urgjencën e spitalit rajonal të Durrësit, ka shkuar për të marrë ndihmë mjekësore, shtetasi B. M., 31 vjeç, banues në fshatin Bisht Kamëz, Durrës, pasi dyshohet se është dëmtuar lehtë, me mjet prerës (biçak), nga shtetasi I. V., gjatë një konflikti për motive të dobëta, ndërmjet këtyre dy shtetasve.

31-vjeçari është jashtë rrezikut për jetën, ndërkaq policia ka kapur shtetasin I. V.

Grupi hetimor po punon për sqarimin e plotë të rrethanave të këtij rasti.