Plagosja në Elbasan/ 55- vjeçari dyshonte se e tradhtoi, i nguli thikën gruas dhe komshiut

Detaje të reja kanë dalë në lidhje me plagosjen me thikë në lagjen “Dyle Haxhiri” në Elbasan, ku mbetën të lënduar dy persona.

Elmas Kalija, 55 vjeç ka goditur me thikë gruan e tij Shkëlqime Kalija si dhe komshiun, Enver Sula që ndërhyri për t’i ndaluar.

Sakaq burime bëjnë me dije se konflikti mes çiftit mendohet të ketë nisur, pasi autori dyshonte se e tradhtonte gruaja. E ëma e autorit, Mersine Kalija tha për mediet se i biri vuante nga problem të shëndetit mendor dhe se kishte rreth dy muaj që nuk merrte ilaçet.