Plagosja në Fushë-Krujë, 55-vjeçari ndërron jetë tek Trauma

Ka ndërruar jetë 55-vjerçari i cili u plagos me armë zjarri në Fushë-Krujë. Luan Hushi u plagos me armë zjarri nga rreth orës 09:45, në fshatin Zgërdhesh, Krujë, pas një konflikti për një sipërfaqe me ullinj.

Ngjarja ka ndodhur rreth orës 09:45 në fshatin Zgërdhesh, Krujë. Shërbime të shumta policie kanë shkuar në vendin e ngjarjes për të bërë të mundur kapjen e autorit.

Grupi hetimor, nën drejtimin e Prokurorisë, po punon për sqarimin e rrethanave të ngjarjes dhe sekuestrimin e të gjitha provave me qëllim dokumentimin ligjor të kësaj ngjarjeje.