Forcat e policisë së Komisariatit të Krujës, të mbështetura nga FNSH e Durrësit pas disa orë kërkimesh në zonën e malësisë së Krujës të autorit të plagosjes së 42 vjeçarit Arben Asllani, janë larguar pa mundur ta vënë në pranga 52 vjeçarin Imer Kamberi.
Ngjarja ndodhi mesditën e së hënës në fshatin Bruz Zallë në Krujë.
Konflikti ndërmjet dy bashkëfshatarëve ka ndodhur për çështjen e bagëtive në kullotë. 42 vjeçari është plagosur me armë zjarri nga bashkëfshatari i tij dhe më pas është larguar nga banesa. I plagosuri është dërguar në fshatin fqinj nga familjarët prej rrugës së vështirë nga ngricat e dëborës dhe më pas me ambulancë në spitalin e Traumës.
52 vjeçari disa vite më parë ka plagosur një tjetër bashkëfshatar. Ndërsa i plagosuri i sotëm ishte person në kërkim nga policia si i dyshuar për prodhimin e lëndëve narkotike në zonën e malësisë, raporton ABCnews.
Mbetet që policia ditën e nesërme të vijojë operacionin në kapjen dhe arrestimin e autorit të plagosjes në Bruz Zallë.
Discussion about this post