Plagosja në Krujë, identifikohet autori

Imer Kameri është autori i plagosjes së 42-vjeçarit Agron Asllani në fshatin Bru Zallë të Krujës.

Policia është vënë në kërkim të 52-vjeçarit i cili është larguar nga vendngjarja pas plagosjes me armë zjarri.

“Rreth orës 13:00, në fshatin Bru Zallë, Krujë, shtetasi I. K., 52 vjeç, dyshohet se ka plagosur me armë zjarri, shtetasin A. A., 42 vjeç, i cili si pasojë është dëmtuar dhe ndodhet në spital, në kujdesin e mjekëve. Shërbimet e Policisë po vijojnë krehjen e zonës për kapjen e autorit të dyshuar. Grupi hetimor po punon për sqarimin e rrethanave të ngjarjes“, njoftoi policia.