Policia e Mirditës ka zbardhur dhe dokumentuar prova mbi ngjarjen e rëndë që ndodhi mbrëmjen e djeshme, në Fan, ku mbeti i plagosur me armë zjarri Martin Prenga.
Blutë arrestuan autorin e dyshuar të plagosjes, teksa kanë proceduar në gjendje të lirë vëllain e tij, i cili e ndihmoi të largohej nga vendi i ngjarjes si dhe është sekuestruar arma e zjarrit pistoletë e dyshuar e përdorur për plagosjen.
Në pranga ra Florin Gjoka, 21 vjeç, ndërsa i proceduar është vëllai i tij binjak Altin Gjoka. Blutë thanë se në autostradën Rrëshen-Kukës, në Fan, Mirditë, Florin Gjoka ka tentuar të vrasë me armë zjarri Martin Prengen, i cili si pasojë ka marrë plagë në këmbë dhe ndodhet në Spitalin e Traumës, jashtë rrezikut për jetën.
Pas ngjarjes, Altini ka ndihmuar vëllain e tij Florianin që të largohet nga vendi i ngjarjes dhe të fshihet. Në cilësinë e provës materiale është sekuestruar arma e zjarrit pistoletë e dyshuar e përdorur nga autori.
Discussion about this post