Alten Jolldashi, i plagosur ditën e djeshëm në Pogradec, është dërguar drejt Traumës në Tiranë për mjekim më të specializuar.
Sipas mjekëve të spitalit të Pogradecit ai ka marrë 3 plagë, një plagë mbi gju, një në dorë dhe tjetra në pjesën e kraharorit(por pa kapur organet jetësore).
Ndërkohë sipas burimeve nga policia për BalkanWeb, në vendngjarje ka qëlluar me armë zjarri edhe i plagosuri Jolldashi.
Rezulton se konflikti i djeshëm nuk ka qenë një konflikt i çastit, të tre djemtë kanë qenë duke u sqaruar për një konflikt të mëparshëm të tyre dhe më pas dyshohet se Jolldashi ka hapur zjarr ndaj djemve të tjerë dhe ata i janë kundërpërgjigjur.
E gjithë ngjarja ka ndodhur në një zonë të banuar të qytetit të Pogradecit dhe në një orar që shënon pikun e lëvizjeve të banorëve.
Banorët jashtë kamerave kanë pohuar se e gjithë ngjarja ndodhi shumë shpejt dhe se kanë rrezikuar dhe vetë ata nga plumbat. Ndërkohë plumbat janë gjetur edhe poshtë mjeteve të parkuara.
Discussion about this post